شرح المهام الأدائية للصف الخامس الابتدائي ببساطة

 عاوز تعرف يعني إيه مهام أدائية ؟ وازاي تحلها لوحدك ببساطة وسهولة ، يبقى أنت في المكان المناسب ، بين يدي حضراتكم شرحًا سهلًا وبسيطًا لكيفية حل المهام الأدائية للغة العربية للصف الخامس الابتدائي .

امتحان المهام الأدائية هو نوع من أنواع التقييمات التي يمر بها تلاميذ وتلميذات الصف الخامس الابتدائي ، بجانب تلك التقييمات والاختبارات الأخرى على مدار العام الدراسي ، ونحن هنا نستعرض المهام الأدائية لمادة اللغة العربية للصف الخامس ، نقوم بعرض المهمة وشرحها ببساطة ، ثم عرض حل مقترح لها ( يسترشد التلميذ به ) ، ثم عرض مهمة شبيها يقوم التلميذ بحلها في ضوء فهمه لكيفية حل المهمة .

وفيما يلي عرضًا للمهام ، ثم عرض لملف pdf يتناول شرحا رائعا وافيًا للمهام بكل بساطة  وبأسلوب سهل جداااااا

المهمة الاولى ( السيرة الذاتية )

 تخيل أنك محمد من الإسكندرية و عمرك  10 سنوات وأسرتك مكونة من أربع أفراد وتحلم ان تكون طبيبا في المستقبل ، اكتب سيرتك الذاتية مراعيًا العناصر الآتية :

  (الاسم  ـ تاريخ ومحل الميلاد  ـ الأسرة  ـ المرحلة الدراسية ـ مواقف مهمة مررت بها حلمك في المستقبل ولا تنسي ما يلي 

(تسلسل الفكر ـ اختيار المفردات ـ التنوع في تركيب الجمل ـ الإملاء الصحيح ـ علامات الترقيم)

طريقة إجابة المهمة

 عشان تعرف تكتب المهمة لازم تعرف إن ( السيرة الذاتية ) أنت البطل فيها ؛ يعني بتكتب جزء من حياتك ، يبقى لازم أما نكتبها :

-        تبدأ بضمير المتكلم ( أنا ) وبعده تكتب الاسم ، اللي بيجيلك في المهمة واللي هو هنا ( محمد ) ، وكمان مكان الميلاد (المحافظة أو القرية ) واللي هو هنا ( الإسكندرية ) وعمرك اللي هو هنا ( 10 سنوات ) ، واتكلم عن بابا وماما واخواتك . بعد كده أمشي مع العناصر ، يعني اتكلم عن مدرستك الابتدائية وانت شاطر في ايه؟ وبتحب ايه من الألعاب؟

وما تخفش من الكتابة كل اللي هتكتبه جميييييييل جدا وهانحبه

-  واتكلم عن موقف مر بحياتك ( وياريت يكون حقيقي ) ، مثلا : كان نفسك في حاجة معينة ومكسوف تكلم بابا عنها ، اتلقيت بابا جايبها لك وعاملك مفاجأة . زي كده يعني

-   بعد كده حلم بتحلم به بجد ( مافيش حد مالوش أحلام وأمنيات )

نفسي أكون طبيب ( وقول السبب : عشان أعالج المرضى ) – نفسي أكون ضابط ( عشان ادافع عن الناس واحميهم ) وهكذا

نموذج حل للمهمة

أنا أسمي محمد أعيش في الاسكندرية عمري عشر سنوات واسرتي صغيره تتكون من اربعة أفراد ابي وامي واختي الصغيرة منى يعمل ابي مهندسًا  أما  أمي فهي موظفة بدأت رحلتي  التعليمية في مرحلة رياض الأطفال ثم انتقلت بعد ذلك إلى المرحلة الابتدائية كان تفوقي  الدراسي واضح واحبني المعلمون والمعلمات وحصلت على العديد من الجوائز بسبب التفوق الدراسي كما اني  رياضي أحب وأمارس رياضة كرة القدم  بعد الانتهاء من مذاكرتي وقد فزت ببطولة مع النادي 
لا انسى ذلك اليوم منذ سنتين حين أصبت في احدى المباريات  واضطر المدرب لنقلي  الى المستشفى حفاظا على صحتي حيث رأيت  العديد من المرضى وسمعت صرخات الألم التي تصدر منهم  وحزنت كثيرا وتالمت بسبب حزني عليهم و رغم ألمي  الشديد و وجودي بالمستشفى إلا أني  ومن يومها أحلم أن أكون طبيبا حتى أخفف الآلام  عن المرضى وأساعد  في اكتشاف علاج للأمراض المختلفة .

المهمة الثانية ( الاستقصاء )

تريد  المدرسة تطوير الإذاعة المدرسية لتكون أكثر نفعا  لتلاميذ المدرسة ، أجر استقصاء لتلاميذ المدرسة  لجمع معلومات حول الموضوعات التي يفضلون تناولها في الإذاعة المدرسية و المدة المناسبة للإذاعة مراعيا العناصر الآتية:
( العنوان  ـ المقدمة ـ الاسئلة الشخصية  ـ أسئلة الاستقصاء  ـ الخاتمة  )
ولاتنسى ما يلي  ( تسلسل الفكر ـ وضح الاسئله  ـ الإملاء الصحيح  ـ علامات الترقيم )

طريقة إجابة المهمة

 في حاجة مهمة لازم تعرفها عشان تعرف تكتب المهمة لازم تعرف إن ( الاستقصاء ) حاجة بنلم بها معلومات من ناس تانية ؛ يعني بتعتم على أسئلة واضحة جدااااا ومفهومة  ، يبقى لازم أما نكتبه :

- تبدأ بعنوان يكون واضح ويدل على الموضوع اللي بنلم المعلومات عنه واللي هو هنا ( الإذاعة المدرسية)  .

- بعد كده أمشي مع العناصر  ( زي مهمة كتابة السيرة الذاتية اللي فاتت )، يعني أعمل مقدمة ، طب المقدمة اكتبها إزاااااي ؟؟؟؟؟؟                          سهلة جداااااااااا

- أما تيجي تكتب المقدمة عن الاذاعة المدرسية أسأل نفسك ( هي ايه الإذاعة المدرسية ؟) هي وسيلة تقوم بها المدرسة لنشر المعلومات وعلاج التصرفات والسلوكيات السيئة  أما تيجي تكتب عن الرياضة ( هي ايه الرياضة ؟ ) . زي كده يعني

- بعد كدة عرفنا على الناس ( الأسئلة الشخصية ) اسمه وسنه ووظيفته... وبعد كده أسئلة الاستقصاء تكون واضحة وسهلة  واختم بعد كده

نموذج حل للمهمة

المهمة الثالثة ( كتابة قصة قصيرة )

اكتب قصة قصيرة بعنوان  (فعل طيب )  مراعيا عناصر القصة : 
(العنوان  ـ الشخصيات  ـ الزمان المكان  ـ المقدمة   ـ الحدث ـ  النهاية  ) 
ولاتنسى ما يلي  : 
( تسلسل الفكر  ـ العنوان الجذاب  ـ اختيار المفردات ـ  التنوع في تركيب الجمل  ـ والإملاء والخط السليمين )

طريقة إجابة المهمة

قصة قصيرة ؟؟؟ إيه الرعب ده ؟ يا سيدي بلاش نسميها قصة قصيرة هنسميها حدوتة يبقى لازم أما نيجي نكتب حدوووووووتة : - نقول عنوان الحدوتة واللي هو هنا ( فعل طيب ) . - بعد كده نكتب احنا بنحكي الحدوتة عن مين ؟ ( الشخصيات ) - ولازم كمان نحدد حصلت أمتى ؟ وفين ؟ ( الزمان والمكان ) - بعد كدة أحكي الحدوتة هتلاقي نفسك كتبت المقدمة و الحدث - أما الخاتمة اكتب لنا يا سيدي ايه النتائج أو حاجة جميلة استفدناها - لازم يكون بالترتيب ده ؟ لااااااا طبعا ( كل كاتب قصة له طريقته اللي بنسميها أسلوبه) .. حط العنوان في الأول وأحكي أنت بس . - وبعد ما تخلص شوف كل العناصر موجودة ولا لأ ؟!!!!!!!

نموذج حل مقترح للمهمة

- في صباح يوم العيد خرجت مع أصدقائي للعب في الحديقة المجاورة لبيتي وقد ارتديت ملابس العيد وكانت أغاني العيد و أصوات ضحكات الأطفال تعلوا في أرجاء المكان وكنت أشم رائحة الكعك والحلوى في كل مكان ، و شعرت بسعادة بالغة وأنا أرى مجموعة من الأطفال يلعبون مع الأفراد والاسر يضحكون ويتحدثون معي وفجأة وفي أثناء لعبنا في الحديقه بالكرة قابلت صديقي ماجد ما رأيك يا وليد ان نشتري مفرقعات نرميها أمام الأطفال فقلت له لماذا يا ماجد فقال لي صديقي حتى نمزح قليلا وقلت له هذا سلوك خاطئ سيزعج الجميع ولكن ما رأيك يا ماجد ان نشتري بعض الحلوى والشوكولاته ونعطيها للاطفال فقال لي حسنا انها فكرة جيدة وذهبنا معا واشترينا بعض الحلوى والشوكولاته واعطاها للاطفال ففرحوا بها وقبلوا وشكرونا على فعلنا الطيب فقال ماجد حقا ا ما اجمل ان ننشر السعادة في نفوس الآخرين

المهمة الرابعة ( وصف شخصية )

صف معلمك مراعيا العناصر الآتية:  
( العنوان  ـ المقدمة  ـ وصف الشكل  الخارجي  ـ والصفات الشخصية ـ  الخاتمة )  ولا تنس مايلي 
( العنوان الجذاب  ــ تسلسل الفكر ـ اختيار المفردات  ـ التنوع في ترتيب الجمل ـ الإملاء والخط السليمين ـ علامات الترقيم ) 

طريقة إجابة المهمة

اتخيل ان انت ماشي في الشارع واحد قابلك وقالك  

( سلم لي على بابا ) ونسيت اسمه

بابا يقولك مين ده ؟ تبتدي توصفه لبابا 

( عمو الطويل الأسمر الطيب اللي ...... واللي .......... )

بس لازم قبل الوصف ده   :

- نقول عنوان للي هوصفه واللي هو هنا ( معلمي )  .

- بعد كده نكتب احنا بنوصف المعلم ليه ؟ ( المقدمة )  

- واوصف ياسيدي زي ما انت عاوز .

- وبعد ما تخلص اكتب انك بتحب المعلم وبتقدره ( ولا إيه ؟   😂)

نموذج حل مقترح للمهمة

المعلم القدوة

المعلم هو المصباح الذي يضيء لنا ظلام  الطريق حيث يقضي على الجهل والتخلف هو صانع المستقبل و مناره العلم والثقافة يعامل التلاميذ كأنهم أبناؤه  

معلمي  في الثلاثين من عمره متوسط الطول ليس بالقصير ولا بالطويل عيناه بنيتان واسعتان  شعره اسود مرسل  بشرته بيضاء اللون جسمه قوي فهو شخص رياضي  يمارس الرياضة بانتظام اسنانه بيضاء كاللؤلؤ 

معلمي  قدوة  فهو شخص صبور يعيد الشرح لنفهم دون ملل يستمع الاسئله الكثيره بلا ضجر يعامل التلاميذ بعدل كالأب  الذي يعامل ابنائه بحب ذكي  يفهمنا سريعا مهما قلت عنه فلا استطيع ان اوفيه حقه

المهمة الخامسة ( مناقشة فكرة )

ناقش مع زملائك فكرة ممارسة الألعاب الإلكترونية مراعيا  العناصر الآتية 

(العنوان  ـ المقدمة  ـ المميزات  ـ السلبيات ـ  الخاتمة  ) 

ولا تنسي ما يلي 

 العنوان الجذاب ـ  تسلسل الفكر   ـ اختيار المفردات  ـ استخدم أدوات ربط مناسبة ـ  علامات الترقيم  ـ الإملاء الصحيح  ـ الخط الجميل)

طريقة إجابة المهمة

اتخيل ان انت هتلعب لعبة جديدة على الكمبيوتر مع زمايلك، تفضل تحببهم فيها وتوصفها لهم .. صح ؟

بس هتلاقي واحد يقولك بعض عيوبها اللي انت ما تعرفهاش ( ودي فايدة المناقشة ) بس لازم قبل عرض المناقشة بردو: - نتكلم عن الألعاب الإلكترونية ( جملتين كده ) ( المقدمة ) - واتكلم عنها حلوة في إيه ؟ ( المميزات ) ووحشة في إيه ( السلبيات ) . - واختم ياسيدي بنصيحة حلوة كده عشان نحافظ على عينينا وصحتنا ( فااااااهمني طبعااااا😂😂 )

نموذج حل مقترح للمهمة

الألعاب الإلكترونية

الإنسان في حاجة دائما الى التسلية والترويح عن نفسه لتخفيف ضغوط الحياة ومن أشهر وسائل تسلية في العصر الحالي الألعاب الإلكترونية . الألعاب الإلكترونية لها مميزات عديدة هي وسيلة للتسلية و قضاء وقت الفراغ حيث تعمل على تنمية مهارات الدقة والتركيز سرعة اتخاذ القرار على صعيد آخر للالعاب الالكترونيه عيوب كثيره منها ان بعض الناس يسرفون في استخدامها يقضون أوقات طويلة أمامها مما يهدر الوقت ويضعف البصر كما ينتج عن الإفراط في ممارستها الكسل والجلوس في المنزل بدلا من الخروج للتنزه والجلوس في البيت وتجنب سلبيات هذه الالعاب الالكترونية و الاستفادة من مميزاتها علينا عدم الإسراف في استخدامها وتنظيم اوقاتنا من ممارسه الهوايات أخرى مثل القراءة وممارسة الرياضة